Logifem, ni makazi ya wanawake walio katika ugumu

Kama unapitia ugumu na unatafuta makazi na usaidizi ili kuishi, usisite kutupigia simu katika nambari 514-939-3172.

Logifem ni nini?

Logifem hutoa makazi na usaidizi kwa wanawake walio na wasiokuwa na watoto jijini Montreal.

Makazi yetu makuu yanayo vyumba 14 vya wanawake na vyumba vikubwa zaidi 6 vya kuwahifadhi wanawake na watoto. Kunazo pia bafu za kutumiwa kwa pamoja na sehemu nyinginezo. Kipindi kirefu zaidi wanachoweza kuishi hapo ni mwaka mmoja.

Tunazo pia nyumba za ghorofa za mpito 13, sita zimehifadhiwa kwa ajili ya akina mama wasiokuwa na waume. Kipindi kirefu zaidi cha kukaa hapo ni miaka mitatu. Wanawake hulipia 25% ya mapato yao kama ada ya nyumba na lazima wawe na mradi wa kutangamana upya kijamii, ukiwemo ule wa kitaalamu au ule wa kurudi shuleni. Kwa kawaida unahitajika kupitia makazi ya kwanza ili kufikia yale ya pili ya nyumba ya ghorofa.

Ni kwa ajili ya nani?

Logifem huwakubali wanawake wote haijalishi ugumu wao, cheo chao, asili yao au lugha wanayozungumza. Hata hivyo, lazima watimize mpangilio ufuatao:

• Wawe na umri wa kati ya miaka 18 na 65.
• Waweze kimwili kupanda vidaraja hadi kwenye ghorofa ya tatu na kutekeleza kazi mbalimbali zinazopewa wakazi kila wiki: kuosha vyombo, kuosha mojawapo ya bafu, nk.
• Waweze kulipia mchango wa kila mwezi unaokidhi vyakula vyao vyote na uwezo wao wa kufikia kiosha vyombo, kikaushaji, televisheni na kompyuta:
  • 400 $ kwa chumba kimoja
  • 50 $ kwa kila mtoto aliye na umri wa miezi sita au zaidi
  • (Kunao uwezekano wa kujadiliana mpangilio wa malipo kama una matatizo ya kifedha ya muda, tafadhali wasiliana na wafanyikazi wa mapokezi ili kuzungumzia hali yako).
• Endapo utakuwa na tatizo la uzoefu wa matumizi ya dawa za kulevya au pombe, kuwa na ufuatilizi / tiba.
• Meza dawa zozote kama ulivyoshauriwa (dawa inawekwa kwenye ofisi ya shughuli mbalimbali).Kuwa radhi kufuatiliwa na mfanyikazi wa saikolojia ya jamii.
• Jitolee kuheshimu sheria za nyumba.
• Kuwa na watoto wenye umri wa 12 au wachanga zaidi.

Tunajaribu kuwasiliana mambo muhimu na wanawake wakazi licha ya lugha yao wanayozungumza, tunaweza kuwaita wakalimani kama inavyohitajika. Hata hivyo, tunaweza tu kuahidi huduma katika Kifaransa na Kiingereza. Baadhi ya wazungumzaji wetu huzungumza lugha nyingine (Krioli, Kiarabu, Kihispaniola, Kiitaliano, Kilingala).

Tunasaidia vipi?

Logifem inaweza kukusaidia kama uko katika hali ngumu kwa kukupatia sehemu salama ya kuishi, chumba cha siri, vyakula mara tatu kwa siku na vitafunio mara tatu, chumba cha kuoshea nguo na ufikivu wa intaneti.Zaidi ya kuitikia mahitaji yako ya lazima, Logifem inatoa ufuatiliaji wa saikolojia ya jamii kwa wanawake wote wa kazi. Pindi unapowasili, utasalimiwa na mfanyikazi wa saikolojia ya jamii ambaye atakupa usaidizi na kuandamana nawe kwenye kipindi chote cha wewe kukaa nasi. Kila wiki, mtakutana kwa takribani dakika 45 na mfanyikazi huyo. Atajaribu kukusaidia katika kutimiza malengo ambayo wewe mwenyewe umetambua. Usaidizi huu unaweza kufikiwa kutokana na usikivu wa makini, usaidizi, maelezo, usaidizi wa taratibu na mapendekezo fulani kwa rasilimali nyingine zenye manufaa.

Ushuhuda wa mkazi: “Kupitia kwa Logifem, tunakusaidia na kukuonyesha namna maisha yalivyo mazuri, kwamba tuko hapa kusonga mbele, wala si kubaki kwa mambo ya nyuma na kwa matatizo tuliyopitia. Kama tupo hapa, ni jukumu letu kuyaweka matatizo hayo kando na kuyatatua moja baada ya jingine polepole, lakini kwa uhakika”.

Wapi?

Logifem ni makazi yanayopatikana katika eneo la kusini magharibi mwa Montreal karibu na kituo cha treni za haraka. Hatuwasiliani anwani yetu kwenye tovuti ili kuimarisha usalama wa makazi yetu. Sehemu halisi inawasilishwa kwa mwanamke pindi anapokubali kuwa mkazi.

Ni hatua gani zinazofuatwa ili kuishi hapo?

1. Pigia simu Logifem nambari 514-939-3172. Tuko wazi saa 24 kwa siku, siku 7 kwa wiki Kisha tutakualika katika kikao chetu cha maelezo kinachofuata. Kama utahitaji makazi mara moja, tutaweza pia kukuelekeza kwa rasilimali zinazofaa.
2. Hudhuria kikao cha maelezo: Kama ungependa kuishi Logifem, njoo na ushiriki katika kikao cha maelezo, ambacho kwa kawaida kinakuwepo Jumanne alasiri, ili kupata kujua zaidi kuhusu huduma zinazotolewa. Wanawake walio na haja kuishi Logifem wataweza kujaza fomu ya ombi na kisha kuzungumzia hali yao na wafanyikazi wetu wa mapokezi.
3. Endelea kuwasiliana: Baadaye, kundi la kufanya kazi litahakikisha kwamba Logifem ndiyo rasilimali inayofaa kwako. Inawezekana kwamba kuna kipindi cha kusubiri kabla ya chumba kupatikana (kipindi hicho kinaweza kuwa siku chache hadi miezi michache). Ni muhimu kutupigia simu kila wiki ili kuthibitisha haja yako. Wafanyikazi wa mapokezi watawasiliana na wewe wakati chumba kitapatikana na kuzungumza maelezo ya mwisho na wewe.

Urefu gani?

Unaweza kuishi katika makazi kwa hadi mwaka mmoja.

Tunazo nyumba za maghorofa pia ambazo, zinapopatikana, zinapewa wanawake ambao awali wameishi Logifem. Ada ya nyumba ni 25% ya mapato unayopata na wanawake wanaweza kuishi hapo hadi miaka mitatu. Lazima huwe na makazi ya kudumu au hadhi ya uraia na kutimiza mpangilio mwingine wa Ofisi ya Upangaji ya Manispaa ya Montreal ili kuweza kuishi ndani.

Kwa maswali yote

Usisite kutupigia simu na kuzungumza na mmojawapo wa wanaoshughulika kama unahitaji ufafanuzi au kama unayo maswali piga simu nambari 514-939-3172

Rasilimali nyingine zenye manufaa

Zifuatazo ni baadhi ya nambari za simu na tovuti ambazo zinaweza kuwa zenye manufaa kwako.

Mashirika ya jumuia yanayosaidia wahamiaji

Ifuatayo ni orodha ya baadhi ya rasilimali za jumuia zinazosaidia wahamiaji: