Logifem, isang kanlungan para sa kababaihang nahihirapan

Kung nakakaranas ka ng kahirapan at naghahanap ng kanlungan at suporta para makaraos, huwag mag-atubiling tawagan kami sa 514-939-3172.

Ano ang Logifem?

Ang Logifem ay nagbibigay ng kanlungan at suporta sa mga kababaihan na mayroon at walang anak sa Montreal.

Ang pangunahin naming tirahan ay may 14 na pribadong kuwarto para sa kababaihan at anim na mas malaking kuwarto para mapatuloy ang kababaihan na may mga anak. May mga nakabahaging mga banyo at nakabahaging lugar. Ang pinakamahabang pananatili ay isang taon.

Mayroon din tayong 13 transisyonal na apartment, anim ang nakareserba para sa mga dalagang ina. Ang pinakamahabang pananatili ay tatlong taon. Nagbabayad ang kababaihan ng 25% ng kita nila bilang upa at dapat ay may proyekto para sa muling integrasyon sa lipunan, kasama ang propesyonal o pagbabalik sa paaralan na proyekto. Karaniwang kailangang matapos ang unang tirahan para magkaroon ng akses sa apartment.

Para kanino?

Tinatanggap ng Logifem ang lahat ng kababaihan, anuman ang kahirapan nila, kanilang katayuan, kanilang pinagmulan o ang wikang sinasalita nila. Subalit, dapat nilang matugunan ang sumusunod na pamantayan:

• Nasa pagitan ng 18 at 65 taong gulang.
• Pisikal na nakakagamit ng hagdan papunta sa ikatlong palapag at magsagawa ng iba’t ibang gawaing nakatalaga sa mga residente bawat linggo: maghugas ng pinggan, linisin ang isa sa mga banyo, atbp.
• Mabayaran ang buwanang kontribusyon na sumasaklaw sa lahat ng pagkain at akses sa washing machine, dryer, telebisyon at computer:
  • 400 $ para sa single room
  • 50 $ bawat bata na anim na buwan o mas matanda
  • (May posibilidad ng pagsasagawa ng pag-aayos sa pagbabayad kung may pansamantala kang pinansiyal na limitasyon, mangyaring makipag-ugnay sa sumasalubong na kawani para talakayin ang sitwasyon mo).
• Sa kaso ng problema sa pagkalulong sa droga o alak, magkaroon ng follow-up / therapy.
• Inumin ang anumang gamot ayon sa nireseta (ang gamot at ilalagay sa tanggapan ng interbensiyon).
• Pumayag na magkaroon ng saykososyal na follow-up ng worker.
• Ipangako ang sarili mong respetuhin ang mga patakaran ng bahay.
• May mga anak na 12 taong gulang o mas bata.

Sinusubukan naming ipaalam ang mahahalaga sa babaeng hino-host anuman ang nasasalita nilang wika at maaari kaming tumawag ng mga tagapagsaling-wika kung kailangan. Subalit, makakapangako lang kami ng mga serbisyo sa Pranses at Ingles. Ang ilan sa mga mananalita namin ay nagsasalita ng mga ibang wika (Kreyol, Arabo, Espanyol, Italyano, Linggala).

Sino ang tinutulungan namin?

Matutulungan ka ng Logifem kung nabubuhay ka sa mahirap na sitwasyon sa paghahandog ng ligtas na lugar na titirhan, isang pribadong kuwarto, tatlong pagkain kada araw at tatlong meryenda, kuwarto ng labada at internet akses.

Higit pa sa tugon sa mga pangangailangang materyal mo, nagbibigay ang Logifem ng saykososyal na pagsubaybay para sa lahat ng na-host na kababaihan. Sa pagdating mo, babatiin ka ng saykososyalna trabahador na susuporta sa iyo at sasamahan ka sa kabuuan ng pananatili mo. Bawat linggo, magkikita kayo ng mga 45 minuto ng worker na ito. Susubukan ka niyang suportahang makamit ang mga layunin na ikaw mismo ang tutukoy. Ang tulong na ito ay maisasalin sa nakatuong pakikinig, suporta, impormasyon, suporta sa ilang mga pamamaraan at mga pagsangguni sa mga ibang kapaki-pakinabang na dulugan.

Testimonya ng residente: “Sa Logifem, tutulungan ka namin at ipapakita sa iyo kung gaano kaganda ang buhay, na narito kami upang sumulong, hindi magmukmok sa nakaraan at sa mga problema. Kung narito kami, ito ay para isantabi sila at ayusin ito nang paisa-isa, paunti-unit pero tiyak”.

Saan?

Ang Logifem ay isang kanlungan na nasa southwestern na rehiyon ng Montreal malapit sa istasyon ng metro. Hindi namin inilalagay ang address sa websayt para maitaguyod ang seguridad ng lugar. Ang eksaktong lokasyon ay ipaaalam sa babae kapag natanggap na siya bilang residente.

Ano ang mga hakbang para tumira doon?

1. Tumawag sa Logifem sa 514-939-3172. Bukas kami 24 oras bawat arae, 7 araw bawat linggo. Iimbitahan ka namin sa aming susunod na sesyon ng impormasyon. Kung kailangan mo agad ng kanlungan, maaari ka naming idirekta sa angkop na mga dulugan.
2. Dumalo sa pulong ng impormasyon: Kung gusto mong manatili sa Logifem, pumunta at sumali sa sesyon ng impormasyon, na karaniwang nagaganap kapag Marter ng hapon, para malaman pa ang mga serbisyong nilalaan. Ang mga kababaihang interesado sa Logifem ay makakatawag sa kanila at punan ang form ng aplikasyon at talakayin ang kanilang sitwasyon sa aming sumasalubong na kawani.
3. Manatiling nakikipag-ugnay: Pagkatapos, ang pangkat ng trabaho ay sisiguro na ang Logifem ay ang tamang dulugan para sa iyo. Posible na may panahon ng paghihintay bago magkaroon ng kuwarto (sumasaklaw mula sa ilang araw hanggang ilang buwan). Mahalagang tumawag tuwing linggo para i-renew ang interes mo. Kokontakin ka ng sumasalubong na kawani kapag may kuwarto na at tatalakayin ang mga panghuling detalye sa iyo.

Gaano katagal?

Maaari kang manatili sa kanlungan ng hanggang isang taon.
Mayroon din kaming mga transisyonal na apartment na, kapag available, ar nilalaan sa mga kababaihang dati nang nanatili sa Logifem. Ang upa ay 25% ng kita at ang kababaihan ay maaaring manatili doon ng hanggang tatlong taon. Dapat ay mayroon kang permanenteng residente o pagkamamamayang katayuan at matugunan ang ibang pamantayan ng Tanggapan ng Pabahay ng Munisipyo ng Montreal para magkaroon ng akses.

Para sa lahat ng mga tanong

Huwag mag-atubiling tawagan kami at kausapin ang isa sa mga namamagitan kung kailangan mo ng paglilinaw o kung may mga tanong ka sa 514-939-3172.

Mga ibang kapakipakinabang na dulugan

Narito ang ilang numero ng telepono at websayt na maaaring kapakipakinabang para sa iyo.

Mga pangkomunidad na organisasyong tumutulong sa mga imigrante

Narito ang listahan ng ilang dulugan sa komunidad na sumusuporta sa mga imigrante